Sagan Stjórn S.E. Starfsmenn Lög S.E. Hlutverk og markmið Félagsaðild Ásýnd Eyjafjarðar   Lög Skógræktarfélags Eyfirðinga. (með áorðnum breytingum, síðast á aðalfundi 1993.) 1. gr. Félagið heitir Skógræktarfélag Eyfirðinga. Heimili þess og varnarþing er á Akureyri. 2. gr. Hlutverk félagsins er: Að vekja og viðhalda áhuga héraðsbúa á skógrækt og veita leiðbeiningar og fræðslu. Að stuðla að verndun skóga í héraðinu, fylgjast með viðgangi þeirra og skrá ástand og þróun. Að beita sér fyrir verndun frum-skóga á svæðinu og vistkerfi þeirra. Að vera samstarfsvettvangur þeirra einstaklinga og félaga, sem vilja vinna að framgangi trjá- og skógræktar í héraðinu. Að vera í forystu og hvetja til hvers konar framfara í skógrækt og nýtingu skóga. Að vinna skipulega að nýskógrækt og stuðla að skráningu og skipulagningu skógræktar í héraðinu með tilliti til umhverfisþátta. 3. gr. Félagið setur sér markmið í samræmi við hlutverk sitt, skilgreinir þau og markar stefnu um viðfangsefni og framkvæmdir á hverjum tíma. Markmiðin skulu endurskoðuð reglulega af stjórn. 4. gr. Félagið er öllum opið öllum einstaklingum sem áhuga hafa á skógrækt og vilja vinna að framgangi hennar. 5. gr. Stjórn félagsins skipa sjö menn, sem kosnir eru á ársþingi þess. Stjórnin er kosin til þriggja ára og skiptir hún með sér störfum. Einnig skulu kosnir þrír varamenn. Stjórnarkosningu skal svo háttað, að kosnir séu tveir, tveir og þrír til skiptis á ársfundum. Þá skulu einnig kosnir tveir endurskoðendur og varamenn þeirra, einn í senn til tveggja ára. Einnig skulu kosnir fulltrúar á aðalfund Skógræktarfélags Íslands samkvæmt gildandi lögum þess. 6. gr. Aðalfundur félagsins skal haldinn árlega fyrir lok júnímánaðar. Stjórnin boðar til fundar með auglýsingu í blöðum og útvarpi með viku fyrirvara. Hún skal leggja fram endurskoðaða reikninga félagsins og skýrslu um starfið á liðnu ári.7. gr. Á fundum félagsins hafa allir fullgildir félagar atkvæðisrétt. 8. gr. Aðalfundur félagsins telst lögmætur, ef til hans er boðað með nægum fyrirvara og ef mættir eru minnst 15 félagsmenn. Verði fundur ekki lögmætur skal boða til hans aftur innan tveggja vikna og telst hann þá lögmætur, þó færri mæti en 15 félagsmenn. Afl atkvæða ræður úrslitum mála. 9. gr. Stjórn annast allar framkvæmdir félagsins og fjárráð þess. Hún boðar til funda og undirbýr málefni félagsins fyrir fundi. Þá hefur hún á hendi alla bókun fyrir félagið og bréfaviðskipti og ræður starfsmenn þess. Stjórnin getur boðað til aukafunda til að ræða einstök vandamál. Skylt er stjórninni að boða til félagsfundar ef 15 félagsmenn eða fleiri óska þess. 10. gr. Félagið skal rofið og hætta störfum, ef meiri hluti greiddra atkvæða verður með því á tveimur fundum í röð og renna þá allar eignir félagsins í sjóð, sem afhendist Skógræktarfélagi Íslands til varðveislu uns myndaður verður að nýju félagsskapur í héraðinu um skógræktarmálin og rennur sjóðurinn þá til þess félagsskapar.   Vefstjóri