Landeigandi: Legatsjóður Jóns Sigurðssonar.
Umsjón: Skógræktarfélag Eyfirðinga.
Stærð: 100 ha.
Friðað: 1980 - 81.
Hæsta tré 2000: Lerki, gróðursett 1982, um 4 m.

Árið 1980, á 50 ára afmæli Skógræktarfélagsins, var gerður samningur við Sýslunefnd Eyjafjarðarsýslu um afnot félagsins að landi til skógræktar. Félagið hafði þá um nokkurt skeið leitað að landi til skógræktar en gengið erfiðlega.

Allt síðan 1980 hafa nýstúdentar frá MA farið í gróðursetningarferðir að Laugalandi að loknu síðasta prófi og lætur nærri að í þessum ferðum hafi verið gróðursettar 60.000 plöntur.

Skilyrði til skógræktar eru góð á Laugalandi eins og annarsstaðar á Þelamörk. Lerki hefur dafnað þar vel og sömu sögu er að segja um stafafuru sem mikið heur verið gróðursett af á Laugalandi. Þar hefur félagið tekið talsvert af jólatrjám undanfarin ár.

Laugaland er rómað berjaland og fjöldi fólks fer þangað til berja á hverju hausti.