Kort af skógum

Kjarnaskógur

Leyningshólar

Háls

Garðsá

Vaðlaskógur

Laugaland

Miðhálsstaðir

Hánefsstaðir

Aðrir skógarreitir

Tímavélin

Kort af Kjarna

Umferðartalning

Landeigandi: Akureyrarbær
Umsjón: Skógræktarfélag Eyfirðinga
Stærð: Samtals um 800 ha sunnan Glerár
Friðað: Fyrst 1946 og stækkað margsinnis
Hæsta tré 2000: Alaskaösp 15,25 m

Upphaf skóg- og trjáræktar í Kjarnaskógi má rekja til 1946, þegar Skógræktarfélagið fékk þar land undir gróðrarstöð sína, sem enn er starfrækt þar.

Við upphaf skógræktar í Kjarnalandi var þar skóglaust með öllu og landið var nýtt til beitar, slægna og kartöfluræktar.

1952 var síðan hafist handa við friðun og skógrækt í Kjarnalandi, sem nú er hinn alkunni Kjarnaskógur sem sést á loftmyndinni hér til hægri á síðunni.

Félagið vann að ræktun Kjarnaskógar á eigin vegum allt til 1972 að Akureyrarbær tók við skóginum og gerði hann að útivistarsvæði Akureyringa í samstarfi við Skógræktarfélagið sem annast allar framkvæmdir, skipulag og hirðingu svæðisins. Þetta samstarf hefur verið einkar farsælt og sem útivistarsvæði hefur Kjarnaskógur verið fyrirmynd annarra slíkra um allt land og heldur enn forystu á því sviði.

Margsinnis hafa girðingar um Kjarnaskóg verið færðar út. Unnið er að ræktun samfellds skógar frá gamla Kjarnaskógi í suðri allt norður að Glerá, ofan byggðainnar og eins hátt í hlíðarnar og skilyrði leyfa. Alls eru nú innan girðinga útivistarsvæðisins um 800 ha lands.

Aðastaða til hvers konar útivistariðkana í Kjarnaskógi er með ágætum. Leikvellir, trimmtæki, upplýst trimmbraut með skíðaspori á vetrum og svo mætti lengi telja. Gott kerfi göngustíga liðast um skóginn. Til að sjá kort yfir göngustíga í Kjarnaskógi, rennið músinni hér yfir.
nákvæmara kort yfir miðsvæði Kjarnaskógar er að finna hér.
Í Kjarnaskógi hafa nokkrum sinnum verið gerðar umferðartalningar og skoðanakannanir meðal gesta á svæðinu. Síðast var slík könnun gerð sumarið 2001 og er helstu niðurstöður að finna hér.



Trjágróður í Kjarnaskógi er afar fjölbreyttur og trjásýnistígur liggur um hjarta skógarins meðfram Brunná. Sífellt er unnið að fjölgun tegunda trjáa og runna í skóginum.

Augljóst er að fólk kann vel að meta þetta framtak Skógræktarfélagsins og Akureyrarbæjar, því talið er að á annað hundrað þúsund manns heimsæki skóginn á hverju ári.

Ýtarlega er fjallað um Kjarnaskóg í bókinni Ásýnd Eyjafjarðar.

Verkstjóri er Bergsveinn Þórsson, umhverfisfræðingur.