Skógræktarfélag Eyfirðinga hefur rekið eigin gróðrarstöð í Kjarna við Akureyri síðan 1947.

Í áranna rás hefur gróðrarstöðin þróast í að vera ein sú stærsta og fullkomnasta á landinu og nú er innið við framleiðslu 1.800.000 plantna árið 2002.

Í stöðinni eru 6 stór gróðurhús, þar af tvönýbyggð, samtals 1.800 m2 að flatarmáli. Auk þeirra er fjölda minni dúkhúsa, yfirvetrunarsvæða og annarra útisvæða.
S.E. framleiðir nú einnig skógarplöntur í þremur gróðurhúsum á Vöglum í Fnjóskadal.

Mikil áhersla hefur verið lögð á fjölbreytt framboð hvers konar garðplantna og nú síðustu árin hafa verið framleidd og seld sumarblóm í Kjarna, auk trjáa og runna.

Megináhersla er þó lögð á framleiðslu skógarplantna sem eru uppistaðan í framleiðslunni.

Nánari upplýsingar um tegundir í framleiðslu og sölu er að finna í kaflanum um plöntusölu.

Ræktunarstjóri er Jón K. Arnarson.