Landeigandi: Eigandi jarðarinnar Garðsár
Umsjón: Skógræktarfélag Eyfirðinga
Stærð: 7 ha
Friðað: 1931 og stækkaður nokkrum sinnum síðan
Hæsta tré 2000: Alaskaösp, gróðursett um 1950, um 14 m

Fyrsta skógræktarverkefni Skógræktarfélags Eyfirðinga, sem þá hét raunar enn Skógræktarfélag Íslands, var friðun birkileifa í Garðsárgili í mynni Garðsárdals þar sem Þverá rennur á kafla í hrikalegu gljúfri.
Með þessari aðgerð hófs nýr kafli í sögu skógræktar við Eyjafjörð.

Upphaflega var ekki fyrirhuguð þarna önnur skógrækt en sjálfgræðsla birkis og árangur friðunarinnar lét ekki á sér standa.
á árunum 1952 - 1971 voru þó gróðursettar 15.000 plöntur í Garðsárreit af ýmsum tegundum og hefur margt dafnað þar prýðilega. M.a. er í reitnum afar fallegur sitkagreniteigur.

Reiturinn er eins og aðrir skógar á vegum félagsis öllum opinn en ekki sérlega greiðfær um þessar mundir. Heimsókn í Garðsérreit er samt nokkurrar fyrirhafnar virði því ægifagurt er við skógi klætt gilið og mörg glæsileg tré er þar að finna.